Paanva Choo Lene Do

Album / Movie
TAJ MAHAL
Singers
MOHD. RAFI, LATA MANGESHKAR
Lyricist
??
Composer
??
Year
??

Singer Version

ra: paaNv chhoo lene do phooloN ko inaayat hogi, inaayat hogi
varnaa hamko nahin, inko bhi shikaayat hogi
shikaayat hogi

la: aap jo phool bichhaayen unhen ham Thukraayen - 2
hamko Dar hai
hamko Dar hai ke ye tauheen-e-muhabbat hogi, muhabbat hogi

ra: dil ki bechain umangoN pe karam farmaao - 2
itnaa ruk ruk
itnaa ruk ruk ke chaloge to qayaamat hogi, qayaamat hogi
paaNv chhoo lene do phooloN ko inaayat hogi, inaayat hogi

la: sharm roke hai idhar, shauq udhar khinche hai - 2
kyaa Khabar thi
kyaa Khabar thi kabhi is dil ki ye haalat hogi
ye haalat hogi

ra: sharm gairoN se huaa karti hai apnoN se nahin - 2
sharm ham se
sharm ham se bhi karoge to museebat hogi, museebat hogi
paaNv chhoo lene do phooloN ko inaayat hogi, inaayat hogi
la: hamko Dar hai ke ye tauheen-e-muhabbat hogi, muhabbat hogi

Poet Version
??

Composer Version
??